Rreth Nesh

Rreth Hotel Restorant Keshtjella – Hotel Restorant Llogara Albania, ndodhet në Parkun Kombëtar të Llogarasë, rreth 40 km në juglindje të qytetit të Vlorës, në një lartësi prej 1025 m mbi nivelin e detit, rreth 1.5km sipër Pishës Flamur.

“Kështjella”, me një arkitekturë e histori të veçantë e përshtatur si një nga fortesat me tipare mbrojtëse më të arrira në jug, ndodhet në pjesën më të bukur të Parkut, me një pamje mahnitëse ku ndërthuret ngjyra e gjelbër e pishave me kaltërsinë e detit Jon.

Më një eksperiencë 18 vjeçare, stafi profesionist ruan standardet e shërbimit profesional, dhe në qendër të vemendjes është klienti!
Cilësia dhe kënaqësia juaj është e para për ne. Me 10 dhoma delux, të mobiluara me një stil modern, me pamje spektakolare mbi detin Jon, e ku shijon aromën e pishave dhe jodin e detit, ne bëjmë që pushimet tuaja të mbeten gjatë në kujtesë!

Mikpritja tradicionale e jugut të Shqipërisë, e ndërthurur me shërbimin profesional dhe pastërtinë, kuzhinën tradicionale shqiptare por me detaje të kuzhinës moderne të sjella me mjeshtëri nga Kryekuzhinieri ynë, janë një vlerë e shtuar e hotelit.